Нутритивни причини зошто да пиете чоколадно млеко

Добивај вести на Viber

За децата чоколадното млеко секогаш претставува најголема радост преточена во чаша, нема дете што не би посегнало по чоколадно млеко. А кај возрасните покрај задоволството на вкусен чоколаден напиток, уште и го има ефектот на будење спомени и враќање во детството. Како и да е, овој пијалак е омилен и неодолив за многу генерации, а во својот состав носи нутритивни и хранливи вредности кои имаат значајни придобивки за здравствената состојба.

Да започнеме од спојот на млекото со какаото, првото е неприкосновено во снабдување на организмот со протеини, а какаото, пак е најпознатиот антиоксиданс.

Тоа е основното што го добивате од чоколадното млеко, но понатаму придобивките се прошируваат од подобрување на расположението до сеопфатно влијание врз повеќе процеси во организмот.

Природниот состав на млекото е вода, но остатокот од тоа се протеини, јагленихидрати, масти, минерали како калциум, калиум, витамини и други хранливи материи. Неговата висока содржина на вода ги надополнува течностите и електролитите во организмот, што посебно се губат при вежбање или во лето.Исто така, протеините во млекото содржат сурутка и аминокиселини, коишто се многу важни за нормалното функционирање на човечкиот организам.

Чоколадното млеко значи внесување на моќните флавоноидни антиоксиданти, соединенија кои се состојка на какаото, а влијаат врз стимулирање на циркулацијата во крвните садови во мозочните центри за меморија и учење и поттикнување поголема активност. Од какаото, кое е главна состојка на чоколадното млеко, произлегуваат и други здравствени придобивки како намалување на воспаленија, подобрување на здравјето на срцето и мозокот, регулирање на шеќерот во крвта, контрола на телесната тежина. Какаото придонесува и за здрави заби и кожа.

Во чоколадното како и во обичното млеко, застапени се витамините А, Д и Б12 и минералите фосфор и калиум. Сето ова заедно, со основни хранливи состојки, помагаат во зајакнување на коските и градба на мускулите.

Уникатната мешавина на јагленихидрати и протеини присутна во чоколадното млеко, е идеална за закрепнување на изморените мускули. Така, чоколадното млеко земено во целост, со хранливоста и од млекото и од какаото, обезбедува важни хранливи материи и носи голема корист за здравјето. Покрај овие придобивки, чоколадно млеко нуди и моменти на вистинско уживање. Моја Кравица чоколадно млеко е вистинско уживање за секој ден, со богат чоколаден млечен вкус, направено од темно, млечно чоколадо и млеко - идеално за моменти на релаксација, за најмалите, во замена за десерт или за возрасните, како награда по напорниот ден.