Новиот „iPhone“ излегува во продажба на 18 март
Објавено во: Мои пари 14 Февруари, 2016
„Apple“ ќе започне со продажбата на новите производи - „iPhone 5SE“ и таблетот „iPad Air 3“, три дена по нивното претставување на 15 март, пишува 9to5Mac.
Според изворот, барања за пред-нарачки на новите уреди не се планирани, но компанијата може да ги преиспита своите планови.
Стартот на продажбата за толку кратко време е новата стратегија на „Apple“.
Обично новите уреди се појавуваат во продавниците недела или две по презентациите. Производството на новиот 4-инчен iPhone започна во јануари, пишува 9to5Mac.
„iPhone 5SE“ ќе ги комбинира формите на модел „iPhone 5“ од 2013 година и модерните 6 и 6Plus. Уредот ќе дојде опремен со хардверот на „iPhone 6“, имено 8 MP основна и 1.2 MP предна камера, чип NFC за платежни услуги Apple Pay, А8 процесор и подобрувања во Wi-Fi конекција, и др.
Претходно медиумите објавија дека компанијата може да ги пушти и новите модели на часовници „Apple Watch“ напролет.
Компанијата предвидува приходи за следното тримесечје во износ од 50-53 милијарди долари. Во истиот период минатата година, Apple доби 58 милијарди долари.