Новата банка на БРИКС може да прифати и други членки на ОН
Објавено во: Свет 09 Јули, 2015
Новосоздадената инвестициска банка за развој на БРИКС може да се прошири и да прифати и други земји-членки на ОН.
Оваа позиција ја изрази министерот за надворешни работи на Бразил Мауру Виеира за време на самитот на БРИКС во УФА.
Според него во моментов се работи над тоа обезбедување на кредити да стане можно уште во почетокот на 2016 година.
Единството на БРИКС е важно за рускиот претседател Владимир Путин во споровите му со Западот поради Украина, особено кога Русија симболично е извадена од Г-8 поради анексија на Крим. Аналитичарите коментираат дека средбата е шанса да му се покаже на Западот дека Русија може да се справи добро и без соработка со западните земји.
Путин му предложи на претседателот на Бразил Дилма Русеф заедничко користење на националните валути во комерцијалните порамнувања меѓу двете земји. Двајцата изразија подготвеност за интензивирање на билатералните инвестиции за соработка и зголемувањето на нивото на стоковата размена меѓу двете земји.
Против оваа позадина портпаролот на руското Министерство за финансии изјави дека Грција ќе може да искористи кредит од новоформираната Банка за развој на БРИКС, во случај дека купи дури минимално количество акции во банката.
Магазинот Форбс сепак коментира дека тоа може да е многу лоша идеја, бидејќи Грција не е главен трговски партнер на земјите од БРИКС, а и дел од нив веќе се кредитори на Атина, преку заемите од ММФ.