Николовски вети многу скоро деблокирање на Собранието
Објавено во: Македонија 13 Април, 2017
Имаме и план и стратегија и многу скоро мнозинството во парламентот ќе ја преземе обврската и одговорноста и за избор на претседател на Собрание, и за избор на новата реформска Влада, изјави пратеникот на СДСМ, Љупчо Николовски.
Тој вели дека СДСМ ја има обврската како мнозинство тоа да го направи. Вели дека тоа е во интерес на граѓаните.
„Имаме мнозинство, имаме поддршка од 67 пратеници и наскоро ќе го избереме претседателот на Собранието и ќе ставиме крај на блокадата на демократските процеси. Никој не може да не спречи во намерата, затоа што тоа го очекуваат 700.000 граѓани кои ни ја дадоа довербата“- изјави Николовски.
Николовски додаде дека поради блокадата на Собранието, земјоделците не можат да земат субвенции и за Велигден остануваат без пари.
Нагласи дека новата Влада ќе спроведе реформите во земјоделството и ќе ги преиспита сомнителните тендери за распредлба на земјоделско земјиште и селективната распределба на субвенции.