Добивај вести на Viber
Српскиот претседател Томислав Николиќ за утре има закажан телефонски разговор со неговиот руски колега Владимир Путин, објави вечерва РТС.
Според најавите, Николиќ има намера со Путин да разговара замоткажувањето на изградбата на гасоводот Јужен тек.
Претходно, српскиот претседател изјави дека има намера да иницира директен контакт со Путин за новонастанатата ситуација, а разговор со Путин бараше и српскиот премиер Александар Вучиќ.
Србија е незадоволна затоа што загубите од неизградбата на гасоводот, кој требаше да поминува низ нејзина територија зе проценуваат на неколку милијарди евра.
„Иако во договорот не постои директна обврска на руската страна, Воислав Коштуница и Борис Тадиќ треба да кажат дали имаше договор на принципот „еве ви ниска рента за експлоатација на руда во замена за Јужен тек, или да објаснат зошто рентата е толку ниска“, вели Николиќ.
Тој додава дека самиот е „русофил“, но тоа не значи дека би ги запоставил српските интереси во корист на Москва. „Меѓу Србите и Русите секогап е возможен договор, па дури и околу ревизија на некоја спогодба“, уверен е Николиќ.