Добивај вести на Viber
Српскиот претседател Томислав Николиќ денеска треба телефонски да разговара со неговиот руски колега Владимир Путин и да му изрази загриженост заради одлуката на официјална Москва да ги прекине плановите за изградба на гасоводот Јужен тек, што требаше да поминува низ Србија.
Според пресметките, заради променетите руски планови, Србија ќе трпи штети од неколку милијарди евра - пари што требаше да ги заработи од активностите за изградба на гасоводот, но и од транзитот на природен гас низ нејзина територија.
Николиќ се надева во разговорот со Путин да ја разгледа новонастанатата ситуација и од него директно да ги слушне идните енергетски планови на Русија за Балканот.
Србија е особеноизненадена од ваквиот потег на руските власти затоа што смета дека за изградба на гасоводот низ нејзина територија на Русите им овозможила купување на Нафтената индустрија на Србија (НИС) и им дала поволности за експлоатација на руда.