НЕВРАБОТЕНОСТА ВО СВЕТОТ РАСТЕ: Додека на возрасните им тече пот, младите тешко до работа!
Објавено во: Економија 25 Август, 2016
Расте младинската невработеност во светот во 2016 година. Бројот на невработени на возраст меѓу 15 и 24 години ќе порасне, достигнувајќи 71 милиони луѓе, но во 2017 ќе се стабилизира. Ова го покажуваат прогнозите на аналитичарите од Меѓународната организација на трудот (МОТ).
Според МОТ невработеноста меѓу младите оваа година ќе достигне 13,1%, а во 2015 година таа била 12,9 отсто. Тоа значи половина милион луѓе повеќе се доближуваат до рекордното ниво од 13,2% во 2013 година.
Зголемувањето доаѓа по тригодишниот пад и се објаснува со подлабока од очекуваната рецесија во неколку од големите економии во развој и со стагнацијата на економскиот раст во неколку од развиените земји, објаснува Стивен Тобин - економист во МОТ и главен автор на извештајот.
Најголем е процентот на невработени млади во арапските земји и во Северна Африка, каде растот на невработеноста се колеба околу 30 отсто. Во развиените земји се очекува да има најголем раст на младинската невработеност во 2016 - 14,5% или тоа се 9,8 милиони луѓе. Ситуацијата треба малку да се подобри во 2017 година со прогноза за 14,3%.
Уделот на младинската невработеност во земјите со економии во развој треба да остане релативно стабилен - околу 9,6% во 2016г., што се објаснува со зголемување на бројот на населението во активна возраст. Во дигитална димензија тоа значи да достигне 7,7 милиони луѓе.
Овие податоци сепак не ја одразуваат целосно сериозноста на ситуацијата на пазарот на труд за младите во земјите со економии во развој, бидејќи голем дел од младите таму, кои работат, не заработуваат доволно за да излезат од сиромаштијата, сметаат од МОТ. Според организацијата близу 156 милиони младинци во овие земји живеат во крајна сиромаштија, односно со помалку од 1,90 долари на ден по лице, или во умерена сиромаштија - со од 1,90 до 3,10 долари на ден.