Добивај вести на Viber
Саудиска Арабија е позната по своите ригорозни закони кои се однесуваат на женските права, а во моментов се разгледува уште еден таков пропис.
Имено, законодавците во оваа земја се сетиле како да излезат на крај со жените со убави и привлечни очи. Тие во иднина ќе мора да носат вел кој ќе им ја прекрива целата глава, а не како до сега кога им беше дозволено да имаат откриени очи.
Портпаролот на Одборот за промоција на доблестите и превенција на пороците, шеикот Мотлаб ал Набет, изјавил дека тие имаат право да ги натераат жените да ги покријат своите лица во целост.
„Членовите на одборот ќе ги принудат жените да си ги покријат своите очи, особено оние кои имаат привлечни. Имаме право тоа да го направиме“, вели ал Набет.
На тоа веднаш во јавноста започна да се поставува прашањето како ќе се одредува кои очи се „привлечни“.
Новинар од Саудиска Арабија смета дека тоа ќе се однесува на убаво обликувани и нашминкани очи. „Но жените ќе бидат во неволја и ако нивните очи не се нашминкани, а сепак се убави“, прокоментирал новинарот.
Принцот Назиф, за кој се сметало дека ќе ја запре драконската репресија врз жените откако ќе го наследи нетолерантниот татко, кралот Абдула, сепак ја поддржа ваквата измена.
„Сите страни го поддржаа Одборот и тој треба да се поддржи затоа што е столб на исламот. Ако сте муслиман, морате да го поддржите одборот“, порачал принцот Назиф.