Нема одмор за претседателските кандидати ниту за празниците
Објавено во: Мои пари 27 Април, 2019
Тече изборната кампања за вториот круг. Кандидатите за шеф на државата и деновиве за време на велигденските празници имаат средби со граѓаните но пораките имаат поинаква конотација.
Наместо партиски препукувања се праќаат пораки за мир, толеранција, во духот на празниците.
Од Куманово кандидатката од редовите на ВМРО ДПМНЕ Гордана Сиљановска Давкова прати пораки за обединување и почитување на традицијата и религијата.
Пендаровски пак заедно со семејството на Велики петок го посети Марков манастир.
Од таму порача дека празниците се драгоцено време поминато со најблиските, време на сплотеност и душевен мир.
Викендов пак Сиљаноска ќе има средби со граѓаните во Гостивар додека пак Пендаровски во Скопје и Галичник.