НЕМА НОВИ ЗАРАЗЕНИ ВО ДЕБАР: Дука порача дека не е време за триумфализам
Објавено во: Македонија, Корона Вирус 15 Април, 2020
Во градот Дебар се зголемува бројот на оздравени од Ковид 19.
Веќе 12 дена нема нови заразени со коронавирусот.
Но, градоначалникот на Општина Дебар, Хекуран Дука денеска изјави дека битката со невидливиот непријател не е добиена.Порача дека граѓаните не треба на состојбата да гледаат со триумфализам, туку и понатаму да бидат дисциплинирани и да ги почитуваат мерките кои ги наложи Владата.
Бројката на потврдени случаи во Дебар останува на 49.
Кризната состојба не е продолжена, и животот полека ќе се нормализира.
Делегација од Владата предводена од премиерот Оливер Спасовски, вчера го посети Дебар.
Центар Жупа и Дебар беа првото жариште на коронавирусот.
Во Дебар ќе се направи анализа на имунитетот на населението.
Во земјава денес има нови 66 заразени, а дури 27 од нив се од Куманово.
фото Википедија