Нефи Усеини и неговиот брат нудат по 10 илјади евра за да излезат од притвор
Објавено во: Македонија 27 Август, 2020
Охридскиот советник Нефи Усеини и неговиот брат понудиле по 10 илјади евра во кеш како гаранција за да излезат од охридскиот затвор каде влегоа вчера по 6-дневна недостапност за полицијата, јави телевизија Телма.
Адвокатот на осомничените браќа Усеини за Телма потврдил дека е понудена гаранција за да им се укине мерката притвор или да им се замени затворскиот со домашен притвор или друга поблага мерка.
Обвинителството не се согласува браќата Усеини да излезат од притвор.
Нефи Усеини и неговиот брат се осомничени за нападот врз Охриѓанецот Спирко Топалоски и добија 8 дневен притвор. Обвинителството води истрага за две кривични дела „насилство“ и „недозволено држење на оружје“. Според првичниот исказ на нападнатиот тој бил тепан со пиштол по глава, но потоа со изјава преку својот адвокат, Топалоски тврдеше дека не видел оружје и недоразбирањата со неговиот пријател се надминати.