Добивај вести на Viber
Американскиот претседател, Барак Обама, не го потпиша законот со кој се предвидува воведување дополнителни санкции за Русија и испорака на оружје за Украина, се вели во соопштение од Белата куќа, демантирајќи ја при тоа изјавата на портпаролката на Стејт департментот дека Обама веќе го сторил тоа.
Ваквата дезинформација ја потврдил и Стејт департменот кој истакнал дека портпаролката Џени Псаки направила грешка кога ваквата информација ја пренела на прес – конференција за новинари.
Псаки во средата изнесе потврда дека Обама веќе го потпишал ваквиот закон.
„Го потпиша вчера“, рече портпаролката на Стејт департментот, а изјавата ја пренесе „Russia today“.
Претставниците на Белата куќа по неколку часа откако беше дадена ваквата изјава излегоа со реакција, тврдејќи дека ваквата информација не е точна и дека Псаки погрешила кога дала ваква изјава.
„Псаки всушност направи грешка на пресконференцијат и наскоро ќе ја поправиме ваквата грешка на официјалниот сајт со објавување транскрипт од таа конференција со фустнота со која ќе се истакне направената грешка“, рекол портпаролот на Стејт департментот во изјава за руската медиумска мрежа „Sputnik“.
Портпаролот на Белата куќа, Џонс Емест, во вторникот изјави дека се очекува законот да биде потпишан до крајот на неделата.
Законот претходно беше изгласан во Конгресот и со него се предвидува воведување дополнителни економски санкции за Русија и истовремено му се дава овластување на претседателот, Барак Обама, да испрати воена помош за Украина, која вклучува и антитенковско вооружување и муниција.
„Russia today“ потсетува дека со законот се предвидува 20 милиони долари помош за „поддршка на руската демократија и невладиниот сектор“, како и уште 10 милиони долари за ширење на нивното влијание во поранешните земји на СССР.