Недела на притисок за доларот

Добивај вести на Viber

Во текот на изминатата недела американскиот долар беше ставен под притисок, откако податоците за неселско стопанските вработувања ги засилија стравувањата дека ФЕД ќе ја одложи својата одлука за зголемување на основната каматна стапка во земјата.

Тоа видување се зајакна дополнително по објавувањето на записникот од Септемвриската седница на централната банка, кој покажа дека политичарите ќе бидат крајно претпазливи при донесувањето на одлуката. Резултатот беше зголемен интерес за ризичните средства, какви што се акциите и стоковите валути.

Најомилен од ситуацијата се покажа австралискиот долар, кој поскапе до двонеделен врв, откако одлуката на централната банка на Австралија да ја задржи монетарната политика непроменета, го разгори дополнително интересот кон високата валута.

За неделава еврото поскапе со 1.28%, фунтата освои 1,09%, јапонскиот јен ја зголеми својата вредност со 0.22%, а австралискиот долар поскапе со 3,9%.

На пазарите за суровини златото се фаворизира од шпекулациите дека ФЕД ќе ја одложи својата одлука, и поскапе со 1,27% на неделна база до нивоата во близина до 1 150 долари за унца, а нафтата освои 10.69% до 50.44 долари за барел.

Главниот фокус во оваа недела ќе бидат податоците за инфлацијата во Кина, Велика Британија, САД и Нов Зеланд, како и податоците за нивото на невработеноста во Австралија и економските очекувања на Германија.