НЕ ПРАШУВА ЗА ЦЕНА: Саудискиот принц изнајмил скоро 300 соби
Објавено во: Финансии 06 Април, 2018
Престолонаследникот на Саудиска Арабија, Мохамед бин Салман со неговата придружба резервирале цел хотел со пет ѕвезди „Four seasons“ во Лос Анџелес, каде ќе престојуваат три ноќи.
Собите во овој хотел чинат околу 625 долари за ноќ, а вкупно ги има 285. Претседателските апартмани можат да чинат и 10.000 долари за ноќевање.
Тој нема да престојува во хотелот, туку ќе биде во приватна резиденција, така што хотелот е за неговата придружба и истакнатите гости.
Ова е прво патување на принцот во Лос Анџелес, и тоа неколку месеци откако Саудиска Арабија потврди дека ќе ја укине 35-годишната забрана за кино.
Салман допатувал во Лос Анџелес за да разговара со големите продукциски куќи. Принцот е заинтересиран за нови индустрии како забава, со цел земјата да не се потпира само на арапскиот главен извор на заработка – нафтата.
По пауза од 35 години во Саудиска Арабија повторно ќе може да се ужива во филмови на големото платно, а компанијата „АМЦ“ во следните пет години ќе отвори 40 кино сали во 15 градови низ земјата.