НАТО испраќа 700 војници на Косово и ќе прати уште ако има потреба
Објавено во: Свет 30 Мај, 2023 20:15
НАТО испраќа дополнителни 700 војници на Косово и подготвува уште еден баталјон.
Генералниот секретар на НАТО, Јенс Столтенберг денеска изјави дека Алијансата ќе испрати дополнителни 700 војници на Косово со цел да се потисне насилството што избувна на северот. Спремаат уште еден баталјон што ќе го испратат доколку има потреба.
„НАТО го презема овој чекор за да се осигура дека КФОР ги има силите и способностите што му се потребни за извршување на својот мандат“, рече Столтенберг на прес-конференција во Осло по состанокот со норвешкиот премиер Јонас Гар Сторе.
Вели дека насилството го враќа Косово и целиот регион еден чекор назад.САД испорача две барања за Косово, но косовските власти веќе имаат реперкусии.
Србите ги бојкотираа изборите, а сега не сакаа да дозволат, градоначалниците од албанска националност да стапат на должност. Имаше немири, при што над 50 Срби се повредени, но имаше и повредени припадници на КФОР. Србите бараат формирање Заедница на српски општини, но и косовските специјалци да се повлечат од северот.
Можеби ќе ве интересира
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
САД даваат безбедносни гаранции за Украина, но нема договор за територијални отстапки
Украина добива гаранции од САД слични на Член 5 од НАТО?
(ВИДЕО) Мароко брои жртви, по седум години суша се борат со поплави
