САД имаат две барања за Косово, а стигнаа и првите санкции за Приштина

Добивај вести на Viber

По неколку тензични денови, САД имаат две барања за Косово. 

Американскиот амбасадор во Приштина Џефри Ховениер изјави дека САД имаат две барања од Владата на Косово, а тоа е да не инсистира градоначалниците да работат од општинските згради и полицајците да се повлечат од трите општински згради на северот.

„Не разбираме зошто алтернативните локации или други јавни згради не можат да се користат за извршување на нивните функции“, рече Ховениер.

„Сметаме дека присуството на косовската полиција во зградите во кои насилно влегла е многу предизвикувачко, затоа побаравме од владата да ја повлече полицијата од овие три општински згради“, вели дипломатот.

Според него, преземањето на овие две акции ќе помогне да се намалат тензиите.

Инаку, Косово нема да учествува на вежбата „Дефендер Европа 2023“. Американскиот амбасадор во Приштина, Џефри Ховениер, изјави дека откажувањето на учеството на Косово на вежбата „Дефендер Европа 2023“ е првата последица за Владата на Косово.

Министерството за внатрешни работи на Косово ја деманитраше веста дека е договорено повлекување на специјалните полициски сили од општинската зграда во Звечан во 15 часот, што утрово ја пренесоа некои медиуми.

Вчера во Звечан имаше проблеми, при што најмалку 53 луѓе беа повредени. 

Имаше и повредени припадници на КФОР. 

Српскиот претседател Александар Вучиќ го откажа своето патување во Братислава поради кризата на Косово. 

Американскиот државен секретар Ентони Блинкен на 26 мај предупреди дека постапките на Владата на Косово во северните општини ќе имаат последици врз билатералните односи.

Фото: Косово онлајн