Наставниците ќе се лиценцираат, а ако не се вработат пак ќе земаат плата
Објавено во: Економија 01 Октомври, 2015
Според новиот предлог закон, секој наставник за да работи ќе треба да има лиценца, која ќе ја добие на едногодишна обука на академија на наставници. На оваа академија ќе можат да се запишат лица кои имаат завршено било каков факултет, а не само оние со педагошки и наставнички насоки.
Освен тоа, со оваа лиценца државата им гарантира вработување на наставниците, а во случај да не им најде работа тие ќе земаат 80 отсто просечна плата без да се дефинира до кога.
Овај закон за независната пратеничка Солза Грчева е катасрофален, и вели дека не е ни дефинирано дали веќевработените наставници што не ја завршиле академијата ќе останат на работа.
„Ќе се распише на пример квота за Гевгелија дека се потребни 20 наставници. Во таа квота нема да имаат предност оние што се во работен однос. Се прашувам дали тие ќе останат на улица ако останат вон квотата” вели Грчева за Телма.
Останува нејасно, како наставниците кои немаат академија ќе бидат конкурентни на конкурсот за работа, наспроти новозавршените, чие вработување им е ветено од државата.