НАРОДНА БАНКА: Банките, штедилниците, менувачниците продолжуваат со работа
Објавено во: Економија, Корона Вирус 18 Март, 2020
По прогласувањето на вонредна состојба, од Народна банка информираат дека финансиските институции за коишто Народната банка е надлежен регулаторен и супервизорски орган (банки, штедилници, менувачници и правни субјекти коишто даваат услуга брз трансфер на пари) продолжуваат да работат и да ги извршуваат своите клучни функции, со што нивните услуги и натаму ќе ви бидат достапни.
Како што веќе известивме, ние сме во постојан контакт со овие финансиски институции и тие се подготвени да ви ги овозможат нивните услуги и во вонредни околности, додаваат од Народна банка.