Нарко пазарот цвета-полицијата со полни раце работа
Објавено во: Балкан 06 Април, 2014
Два тона марихуана заплени албанската полиција во приморскиот град Валона.
Акцијата била реализирана во местото Хидровор, кога двете комби возила требало да бидат растоварени а дрогата натоварена на моторен чамец, кој требало да исплови во правец на италијанскиот брег. Уапсено е едно лице, а по четири сеуште се трага.
Италијанската полиција од Каталонија пак вчера, заплени повеќе од два тона албанска марихуана која била транспортирана со рибарски брод, кој испловил од грчкиот остров Крф каде била натоварена.
Вредноста на запленетата марихуана, во двете акции поединечно, изнесува по 10 милиони евра, но доколку биле пуштени на нарко пазарот во помали пакувања вредноста би достигнала најмалку 60 милиони евра за целата количина.
Грчката погранична полиција во близина на селото Ситарија во граничен појас вчера заплени 107 килограми марихуана, нивните хрватски колеги пак вчера запленија 806 килограми марихуана, во чиј шверц биле вмешани албански, хрватски и боснаски државјани.
Сите количини на дрога потекнуваат од Албанија, главно од селото Лазарат.