Напаѓачот на Максим Димитриевски не е веќе во Македонија?
Објавено во: Македонија 13 Април, 2017
Eден од напаѓачите на пратеникот на СДСМ од Куманово, Максим Димитриевски, кој се жалеше дека наводно Димитриевски го нападнал, веднаш оздравел и ден по настанот бил кум на свадбена веселба.
Тој по ова експресно ја напуштил државата во тек на полициската истрага, објави а1он.
Добар дел од полицајците кои што вечерта биле на работа додека е заведуван случајот или се на боледување или под други образложенија не се појавуваат на работа.
Димитриевски се жалеше на монтиран процес и свесни пропусти во постапката, бришење на неговата пријава од полицискиот дневник, свесно уништување на докази и злоупотреби на службена положба.
А1 дознава дека еден од напаѓачите, вооружен полицаец во цивилка, според исказот на Димитриевски, во алкохолизирана состојба со насилство атакувал на него, пред да се појави на местото на настанот предходно седел и пиел заедно со началникот на СВР Куманово и дел од колегите кои што вечерта биле во интервенција по пријавата на пратеникот и вработените во ресторанот.
„Тоа што мене ми се случи е во втор план во однос на тоа што им се случува на невини граѓани како жртви на монтирани процеси. Мора да се избориме против власта и полицијата да стане апарат за заштита на граѓаните а не партиските структури да ја злоупотребуваат како механизам за пресметки и тортура врз неистомислениците“,-вели Димитриевски за А1он.
Димитриевски објави и видео на кое се гледа, како што вели, вистината дека е нападнат на семејна веселба.