НАПАДИ НА ЕНЕРГЕТСКИОТ СИСТЕМ НА УКРАИНА: Путин објасни зошто ги гаѓаат овие цели
Објавено во: Свет 12 Април, 2024
Целта на нападите на енергетскиот систем е да се демилитаризира Украина. Вакво објаснување даде рускиот претседател Владимир Путин.
Путин кажа дека бомбардирањата на украинската енергетска мрежа, кои доведоа до сè почести прекини на струјата, се дел од остварувањето на руската цел за „демилитаризација на Украина“.
„Тргнуваме од принципот дека на тој начин имаме влијание на воено-индустрискиот комплекс на Украина“, изјави Путин вчера за време на средбата во Кремљ со својот белоруски колега Александар Лукашенко.
Портпаролот на Кремљ Дмитриј Песков, денеска рече дека нацрт-предлогот за мир од 2022 година може да послужи како почетна точка за потенцијалните разговори меѓу Русија и Украина за ставање крај на војната.
Руската инвазија на Украина почна пред повеќе од две години.