Добивај вести на Viber
Во декември, еден од најстарите весници во светот „Лојдс лист“ ќе престане да се печати. Имено, весникот, кој има 300 годишна традиција на печатење, целосно ќе се дигитализира.
„Лојдс Лист” е специјализиран весник кој важи за неопходно четиво за шпедитерските магнати и првпат е отпечатен во далечната 1734 година во Лондон. Сега повеќето негови читатели се претплатени само на онлајн изданието.
Според уредникот на „Лојдс Лист”, Ричард Мед, само 25 од вкупно 16.624 претплатници плаќаат за да го добијат само печатеното издание на овој весник стар 300 години.
- Не го правиме ова за да ги скратиме трошоците, или заради отпуштање од работа. Само сакаме да ги задоволиме барањата на нашите читатели кои сакаат да го читаат онлајн. Ова е инвестиција за наредните 300 години - вели тој.
„Лојдс Лист” започна да се печати како ѕиден весник закачен на ѕидот на една кафетерија во Лондон за да можат бизнисмените да се информираат за главните новини во транспортот и шпедитерскиот свет.
Иако има многумина кои се носталгични за печатеното издание, сепак уредникот изрази задоволство што публикацијата оди напред.