НАЈДОБРО МЕСТО ЗА ЖИВОТ ВО ЕВРОПА: Плата 1200 евра, кирија 15 евра, а нема невработени!

Добивај вести на Viber

Кога помислите на Шпанија, прво што ви паѓа на памет е Барселона, улиците на градот во кој својот оригинален печат го исткајал Антонио Гауди, незаборавниот парк Guell, Casa Battlo, La Pedrera, Casa Guell и Sagrada Familia, па познатата улица Las Ramblasа на чиј крај се наоѓа статуата на Колумбо... се ова може да го видите ако одите туристички, но ако планирате да живеете и работите во Шпанија, најдобар град за тоа е Мариналеда.

Ако мислевте дека овој град е предалеку, се излажавте, се наоѓа на на југот од Шпанија, во Андалузија, и брои околу 2 700 жители, на површина од 25 квадратни километри и апсолутно е едно од најдобрите места за живот во Европа.

Побарувачката за доселување е толку голема што е воведена листа на чекање за доселување- а се чека и по две години. Досега се изградени околу 350 куќи, а во идните две години би требало да се изградат уште 250.

Просечна плата 1 200 евра

Просечна месечна плата за вработените изнесува 1 200 евра месечно. Можеби не ви изгледаат доволни, но кога се погледне цената на кирии која кај нив изнесува 15 евра месечно, јасно е дека со таква плата може сосема пристојно да живеете.

Сепак, за да можете воопшто да живеете и работите во Шпанија, мора да имате работа или да студирате таму. Ако сте завршиле факултет, и сакате работна пракса во една од најубавите европски земји тоа може да го направите преку некоја агенција и бесплатно да одите во Шпанија. И не само тоа, би можеле да добиете и платен смештај , како и оброк додека сте на пракса. Со парична награда за извршената пракса, и спојување со најголемите светски компании, добивате одлична шанса да се вработите и да останете да живеете токму во оваа земја.

Нема невработени, одлуките се носат на демократски начин

Жителите на Мариналеда не се плашат да ги изразат своите политички ставови. Наместо блескави реклами и брендови - уличната уметност во облик на графити со пораки на поддршка и солидарност со земјите како Куба и Венецуела. Улиците ги носат имињата на славни борци за работнички права како што се Федерико Гарсија Лорка и Пабло Неруда.

Додека остатокот на Шпанија се занимава со домашната олигархија и странски банки кои ја преземале земјата, одлуките во ова гратче се донесуваат директно преку демократски пат на неделни состаноци кои обично ги посетуваат 300-400 луѓе. Додека невработеноста во Шпанија достигна стапка од 27 отсто во Мариналеда е остварена речиси целосна вработеност.