Најчесто користена интернет лозинка останува 123456

Добивај вести на Viber

И покрај предупредувањата на компјутерски професионалци , некои од најчесто употребуваните лозинки продолжуваат да се "123456" , " iloveyou " и " monkey " , пишува PC Magazine . Минатиот месец Adobe откри дека хакери успеале да стигнат до лозинките на клиенти на компанијата , како и до изворниот код за Cold Fusion . Сајбер напаѓачите објавиле документ што содржи речиси 150 милиони откриени лозинки. Приближно 2 милиони од корисниците на Adobe ја користеле лозинката "123456" . Тоа го утврдил специјалистот за безбедност Џереми Госн . Тој ја анализирал листата и идентификувал најмногу користени лозинки. Анализата му покрива приближно 6 милиони лозинки или помалку од 5 проценти од листата на хакерите . Други популарни лозинки се " 123456789 " , " аdobe123 " , " 12345678 " , " qwerty " , " 1234567 " , " 111111 " , " photoshop " и " 123123", вели Госн . Adobe ги криптира лозинките, но се чини дека компанијата користи еден клуч за сите лозинки . За енкрипција се користи 3DES , што е добро , но со ECB метод , кој е несигурен механизам . Во овој случај, ако некој успее да го открие клучот , тоа значи дека сите лозинки ќе бидат откриени. Џереми Госн не располага со клучот , па затоа е невозможно да се каже дали хакерската листа е веродостојна, но и покрај тоа експертот е убеден дека тоа е така . Фактот дека два милиони сметки ја користеле истата лозинка е лоша вест , соопштува Фокус . Ако се уште не сте смениле ја лозинката во Adobe , направете го тоа и изберете долга, сигурна и единствена лозинка . Не користете лозинка од листата на најпопуларни тајни зборови и рутини на бројки на Госн или разгледајте користење на специјализирана програма за управување со лозинки , коментира PC Magazine .