Нафтата остави 100 000 работници без работа во САД

Добивај вести на Viber

Бројот на вработени во секторот вадење нафта и гас и пропратни дејности ширум САД паднал за околу 100 000 од октомври 2014 година, известува Ројтерс. Помеѓу октомври 2014 и ноември 2015 бројот на луѓе на платни списоци на компаниите кои се занимаваат со вадење на нафта и гас и услуги на поддршка паднал речиси за 87.000 според податоците на американскиот завод за статистика на труд. Но кога податоците за загуби на работни места во декември лани и јануари оваа година станат достапни, вкупниот пад веројатно ќе биде околу 100 000или 16 одсто од највисокиот регистриран број на вработени, наведува британската агенција. Вкупниот број на работници во производството на нафта и гас паднал речиси од 538 000 во октомври 2014 на 451 000 во ноември лани, а веројатно и ќе падне под 440 000 вработени во јануари 2016 . Во истиот период, американската економија создаде повеќе од 3,5 милиони нови работни места во другите сектори, според анкетата за тековното вработување. Податоците за загубите на работните места се однесуваат само на работници кои директно биле вработени во компании кои се занимаваат со вадење на нафта и гас, но не ги вклучуваат сите останати укинувања на работни места во тој ланец, наведе Ројтерс.