Над 3000 посетители го посетиле првиот Изложбен центар за електрична енергија во Македонија
Објавено во: Мои пари 14 Септември, 2017
Над 3000 лица го посетија првиот Изложбен центар за електрична енергија – Матка, само три месеци по официјалното отворање за посетителите. Покрај индивидуалните посети, Изложбениот центар – Матка го посетија и групи ученици и студенти каде практично се едуцираа. Со почетокот на новата училишна и академска година веќе се најавени нови групни посети во рамки на кои ќе се одржува и практична едукација.
Изложбен центар за електрична енергија Матка е проект на ЕВН Македонија наменет за поголема едукација преку интерактивни експонати. Уште на самото отворање на Изложбениот центар за електрична енергија - Матка, претставниците на неколку универзитети во Македонија, на средни и основни училишта, како и претставници на Бирото за развој на образованието, потпишаа Иницијатива за користење на Изложбениот центар „Матка“ во едукативни цели, во насока на унапредување на образовниот процес.
„Навистина сме горди што нашата идеја е прифатена од заедницата и овој проект ја исполнува својата цел, да биде дел од образовниот систем и да овозможува поголема практична едукација на младите. Искрено се надеваме дека заедно со сите наши сегашни и идни партнери ќе ги збогатуваме содржините во насока на што подобра едукација и ќе стимулираме жед кај младите за иновации“, истакна Штефан Петер, претседател на Управниот одбор на ЕВН Македонија.
Сместен во автентичниот и оригинален простор на старата Хидроцентрала Матка, во близина на Скопје, Изложбениот центар „Матка“ ја раскажува историјата на електричната енергија во Македонија, како и промените што настанале со електрификацијата. Истовремено, преку иновативен мултимедијален пристап, експонатите во Изложбениот центар „Матка“ нудат уникатна можност за едукација и интеракција. Покрај тоа поставени се и експонати за различните типови на производство на електрична енергија, приказ на ресурси, а интерактивни плазма-панели и плазма-топка, како и Ван де Графт Генератор кој нудат допир со електицитетот. Сите информации и содржини се на македонски, албански и на англиски јазик.
Влезот во едукативниот центар Матка е бесплатен. Сите заинтересирани можат да го посетат Изложбениот центар за електрична енергија „Матка“, индивидуално или во групи, а за условите за посета и за работното време можат да се добијат повеќе податоци на www.matka.com.mk /Facebook: Матка - Изложбен центар / Matka - Exhibition Center /Instagram: matka.exhibition.center
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
