Над 300 британски бизнисмени ја повикаа земјата да се повлече од ЕУ
Објавено во: Свет 16 Мај, 2016
Триста и шест големи претставници на трговската и индустриската област на Велика Британија се обратија кон жителите на земјата со отворено писмо со повик да гласаат за повлекување на земјата од ЕУ на претстојниот референдум, за да не се попречува просперитетот на државата.
Референдумот за Велика Британија во ЕУ ќе се одржи на 23 јуни. Писмото на бизнисмените беше објавено во весникот „The Telegraph“.
Прашањето на референдумот, кој во земјата веќе се смета за најважна стратешка одлука за една цела генерација, гласи: „Треба ли Обединетото Кралство да остане членка на Европската унија или да ја напушти?“.
Според зборовите на британскиот бизнис членството ја „поткопува конкурентноста на земјата“, пренесуваат агенциите.