НАД 10.000 КУЌИ ПОПЛАВЕНИ ВО РУСИЈА - се евакуираат жители, се очекува раст на нивото на реките
Објавено во: Свет 08 Април, 2024
Повеќе од 10.000 станбени згради се поплавени во руските региони Урал, Волга и западен Сибир, соопштија службите за вонредни состојби, евакуирајќи ги жителите од градовите погодени од поплавите.
Поплавени се повеќе од 10.400 станбени објекти, соопшти Министерството за вонредни состојби.
Метеоролозите најавија натамошен пораст на температурите и зголемено топење на снегот и мразот, што ќе влијае на порастот на нивото на реките.
#Russia Says Over 10,000 Residential Houses Flooded Across Urals, #Siberia
— World News (@ferozwala) April 8, 2024
On Sunday, Russia declared a federal emergency in the Orenburg region, where the Ural River flooded much of the city of #Orsk #Orenburg.#Urals #Flood https://t.co/X3NZafXEWz via @BarronsOnline pic.twitter.com/NpRFnpj2Kh
Русија во последните денови евакуираше илјадници луѓе поради поплавите, главно во областа Оренбург, која се граничи со Казахстан.
Голем дел од градот Орск (220.000 жители) беше поплавен по пукање на брана во петокот вечерта.
Руската метеоролошка агенција соопшти дека очекува поплавите во Оренбург и околните области да го достигнат врвот во среда.
Фото: Принтскрин/Твитер