НА УДАР И ЛЕТНИТЕ ПОПУСТИ И РАСПРОДАЖБИ: Кризата во Грција се продлабочува
Објавено во: Балкан, Економија 25 Август, 2016
Кризата во Грција, која продолжува, удари и врз традиционалните летни попусти.
За разлика од другите години, кога продавниците се натпреваруваа да ги урнат цените во периодот јули - август, сега отстапките се доста едноставни, а стоката за распродажба доста скромна како свое количество.
Многу од продавниците и воопшто вработените во сферата на услугите, особено во главниот град Атина, преферираат да затворат во текот на летото или да работат само во одредени денови, за да прават заштеди. Нормалниот ритам се обновува само во последната недела на август и почетокот на септември, кога локалните жители се враќаат од одмор.
Многумина кои живеат и работат во Атина, раскажуваат дека кризата се чувствува се посилно. Според нив невработеноста расте, и достигнала до рекордни вредности.
Се почесто се покажува дека работодавците сакаат да обезбедат работници само за 2 или 3 дена од неделата, наместо на реалното полно работно време. И оние кои се потпирале на тоа дека ќе можат да се пензионираат мирно во Грција, сега не гледаат перспектива тоа да се случи.
Најзагрозена е перспективата за младите кои завршуваат високо образование, но нема каде да се вработат. Ова важи не само за иселениците во Грција, но и за самите грчки млади кои во последно време масовно заминуваат да бараат рабвота во Германија или САД.