На Стража забранет сообраќај за тешки товарни возила
Објавено во: Мои пари 04 Февруари, 2015
Патниот правец Дебар-Маврово кој беше затворен за сообраќај поради лавина на патот, во 14.25ч. е оспособена-исчистена една коловозна лента и по неа е дозволено одвивање на сообраќај. Од АМСМ информираат дека е укината забраната за движење на тешки товарни возила на патниот правец крак-Маврово-Дебар а исто така и на планинскиот превој Пресека. На планинскиот превој Стража е повторно е воведена забрана за движење на тешки товарни возила поради интензивни врнежи од снег. На патниот правец Катланово - Велес после наплатна Сопот поради голем одрон има забрана за движење на товарни возила а патничките се движат но наизменично по една коловозна лента.
Сообраќајот на сите останати државни патишта се одвива по влажни коловози поради врнежи од дожд и снег.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.