На кумановско семејство му изгоре куќата за Велигден
Објавено во: Македонија 15 Април, 2017
Вчера во кумановското Ново Село се запалила семејна куќа, а од пламените јазици изгорел и помошен објект. На терен веднаш излегле шестмина пожарникари со две противпожарни возила и огнот го локализирале некаде околу 20 часот. Причината за настанување на пожарот како и висина на материјалната штета допрва ке се утврдува.
Противпожарната служба од Куманов вчера интервенирала и селото Довезенце, при што четворица пожарникари со едно противпожарно возило веднаш се упатиле на терен и со часови се бореле со пламените јазици. Пожарот зафатил површина од 10 хектари сува трева и драка. Пожарникарите конечно успеале да го ликвидираат пожарот во 17:30 часот. Причините за негово избувнување не се познати.