Добивај вести на Viber
Експертите очекуваат значителен пораст на напади на “дигиталните паричници“, односно на корисниците на виртуелната валута биткоин. Прогнозата на експертите од компанијата Касперски Лаб. велат дека сајбер криминалците најмногу ќе се “залепат“ на приватноста на корисниците, нивните пари и биткоини.
По скандалот со Едвард Сноуден, Американецот кој откри добро чувани тајни за шпионирање во САД, сите размислуваат за тоа како да го задржат приватниот живот во тајност.
Тоа значи заштита на податоците кои се наоѓаат на нивните сметки и компјутери и обезбедување на доверливост на однесувањето на интернет, што ќе доведе до поголема популарност на ВПН услугите и ТОР-анонимизерот како и зголемување на побарувачката за домашни алатки за шифрирање.
Во текот на оваа година, експертите на Касперски Лаб. очекуваат дека криминалците на интернет ќе продолжат со развивање на алатки за кражба на готовина, директно или индиректно. За директна кражба, измамниците дополнително ќе ги развиваат алатките наменети за добивање пристап до банковните сметки преку мобилни уреди.
Мобилните ботнети ќе се купуваат и продаваат, а ќе бидат користени за дистрибуција на злонамерни цели во име на трети лица.
За поддршка на индиректните кражби, веројатно дека ќе се видат уште пософистицирани верзии на Тројанци кои шифрираат податоци на мобилните урдеи, спречувајќи пристап до фотографии, контакти, документи и пораки, додека не се купи декрипциона шифра.
Андроид смарт телефонот, без сомневање ќе биде прв на удар на сајбер криминалците, велат од Касперски Лаб.
А.А.