Муслиманите да ги пријавуваат екстремистите бара Трамп
Објавено во: Свет 16 Мај, 2016
Кандидатот на Републиканската пратија за претседател на САД, Доналд Трамп ги повика денеска муслиманите да соработуваат со полицијата и да ги пријават лицата за кои се сомневаат дека се ектремисти.
Трамп во интервју за британската ИТВ изјави дека нема ништо против муслиманите, туку против тероризмот. На прашањето дали и понатаму стои позади предлогот на муслиманите привремено им се забрани влез во САД кое предизвика голем број контроврзии, Трамп одговори дека „тоа ги натерало луѓето на размислување“ и додаде дека „не го интересира дали тоа е добро или лошо за него“.
Трамп смета дека неговиот предлог привремено да се забрани влез на муслиманите во САД го критикуваа само политичарите. Според него, милиони луѓе низ целиот свет сметале дека е во право по ова прашање.
Трамп истакна дека светот има огромен проблем заради радикалниот исламски тероризам.