Муслимани протестираа во Берлин бидејќи не можат веќе да се молат на универзитет
Објавено во: Свет 20 Мај, 2016
Муслимани студенти на „Техничкиот универзитет“ во Берлин денеска протестира против одлуката да се затвори просторијата каде што студентите досега се молеа.
Муслиманската студентска организација бара повторно да се овоможи студентите да се молат за време на престојот во универзитетската зграда.
„Минатиот петок бевме инфомирани дека просторот за молитва надвор од зградата на Техничкиот универзитет во Берлин ќе биде затворен. Студентите добиле закана дека ако повторно се молат на универзитетот ќе бидат уапсени од полицијата“- вели Давут Трансаре, портпарол на муслиманската студентска организација на универзитетот.
Во март, уште два други универзитети во Германија, Техничкиот Уиверзитет во Дортмунг и во Есен Дуизбург, ги затворија посебните простории наменети за молитва.
Одлуката е донесена со образложение дека не е можно да се обезбеди простор за сите религии кои што се присутни во земјата и дека ако студентите сакаат да се молат за време на предавањата тие ќе мораат да ги посетат блиските верски објекти.
Според ректорот на техничкиот универзитет во Берлин, Кристијан Томсон високото образование и религијата треба да бидат одделени.