„Mr.Bricolage“ затвора 17 продавници во Франција

Добивај вести на Viber

Францускиот синџир „Mr.Bricolage“ објави дека според новиот план за развој на компанијата претстои затворање на 17 корпоративни продавници во Франција во 2017 година а ќе бидат отпуштени 238 работни места, или 9,5% од работната силна. 

Новиот план исто така, обезбедува близу 87 од објектите на ланецот во Франција да бидат дадени на франшиза. Ова ќе доведе до очекувано обезбедување од околу 65 милиони евра и ќе натежне врз профитот на компанијата во 2016 година.

„Таа големина на портфолиото со објекти на компанијата ќе даде дополнителна слобода на дејствување на групата да се инвестира и развива бизнисот“, стои во соопштението од компанијата.

На францускиот пазар „Mr.Bricolage“ се натпреварува со фирмите Bricorama, Brico Depot и Leroy Merlin. Компанијата сепак забележа сериозни загуби во 2015 година - добивката се намалила за 31.5% до 9.6 милиони евра, а приходите со 2.7% до 529.5 милиони евра. Оперативната загуба на објектите на компанијата е во износ од 12 милиони евра, соопштува Reuters.

Според новиот план за развој „Mr.Bricolage“ во следните 2 години ќе продаде вкупно 30 продавници кои ги поседува, а во 2017 година ќе инвестира 13 милиони евра во други 30 продавници, кои исто така ќе ги продаде во подоцнежна фаза.

Во 2015 година со најголемиот синџир од типот „направи сам“ во Европа - британската Kingfisher сакаше да се здобие со конкурентот Mr.Bricolage, но обидите пропаднаа. 

Брендот „Мr.Bricolage“ е познат на 4 континенти, а вкупниот број на продавниците е 838 лоцирани на продажен простор од над 1,7 милиони квадратни метри. Продавниците надвор од Франција се 72 на број - во Андора, Белгија, Бугарија, Шпанија, о. Маурициус, о. Мадагаскар, Македонија, Мароко, Романија, Уругвај, Кипар и Колумбија.

Синџирот „Mr.Bricolage“ кој функционира во сегментот „направи сам“ е претставен и во Бугарија. Таму компанијата има 11 продавници, распоредени во Софија, Пловдив, Благоевград, Бургас, Варна, Добрич, Русе и Плевен.