Можности за регрутација и мрежно поврзување на Саемот за кариера на Меѓународниот факултет на Универзитетот Шефилд, Сити колеџ
Објавено во: Мои пари 24 Април, 2019
Претстојниот Саем на кариера на Меѓународниот факултет на Универзитетот Шефилд, Сити колеџ на својот кампус во Солун ќе дочека повеќе од 40 компании, учесници од различни индустриски сектори, што дава идеална можност за вмрежување и регрутирање на талентирани студенти од различните додипломски и постдипломски програми. Саемот на кариера за 2019 година ќе се одржи на 16 мај, во Солун.
Целта на организирањето на овој саем е поврзување на високообразовните кадри што дипломираат на Меѓународниот факултет на Универзитетот Шефилд и компаниите од регионот, како и зајакнување на односот меѓу индустријата иакадемската заедница. На компаниите коишто сакаат да инвестираат во млади и добро образовани, дипломирани студенти им се дава можност да спроведат интервјуа, да го пополнат портфолиото за потребни тековни и идни работни позиции. Од друга страна, студентите имаат можност да ги презентираат своите достигнувања и вештини, да се запознаат со идните работни места одблиску, директно да се поврзат со компаниите, со крајна цел да добијат понуда за работа со полно работно време или за стажирање.
Традиционално Саемот за кариера на Сити колеџ е еден од најпосетуваните настани од страна на тукушто дипломираните студенти, но исто така и од компании од регионот, коишто воспоставуваат и меѓусебни контакти и бизнис релации. Компаниите од Северна Македонија кои сакаат да учествуваат на Денот на кариера 2019 на Меѓународниот факултет на Универзитетот Шефилд, Сити колеџ може да го пополнат онлајн формуларот за учество и да добијат повеќе информации на следниот линк.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
