Можат ли Трамп, Ле Пен и Брегзит да го урнат Западниот поредок?

Добивај вести на Viber

Ако Доналд Трамп стане претседател на САД, а Марин ле Пен лидер на Франција, западниот свет веќе нема да биде онаков каков што сега го знаеме, наведува „Вашингтон пост“.

Резултатите од претстојните избори во САД и Франција би можеке да одиграат пресудна улога во распадот на западното единство и современиот либерален светски поредок, се наведува во текстот.

Трамп апсолутно не го интересира она што последните неколку американски претседатели го нарекуваа „општи вредности“ и целосно му е сеисто дали Украина ќе влезе во НАТО.

Него, во принцип, не го интересира ниту НАТО, наведува „ВП“.

Згора на тоа, Трамп порачува дека САД не би требало да се мешаат во конфликтите во кои е вмешана Европа.

Тој порачува дека „американските граѓани не би требало со своите животи да ја плаќаат цената на европските конфликти, како и дека со повлекување од нив тие би заштеделе големи суми“.

Слична ситуација може да се случи и во Франција после претседателските избори во 2017 година, доколку победи лидерот на Националниот фронт Марин ле Пен.

Во тој случај, Ле Пен, најверојатно би ја „извлекла“ Франција од НАТО и ЕУ и би ги национализирала францските компании, ограничувајќи го на тој начин учеството на странските инвеститори.

Тука е и проблемот Британија и потенцијално излегување од ЕУ на референдумот во јуни, наведува весникот.

Без Франција единствениот европски пазар би престанал да постои, а прашање е колку НАТО би опстанал без Велика Британија, пишува „Вашигтон пост“.