Може ли ВВ Тиквеш да „наздрави“ со квартална стагнација на извозот?
Објавено во: Економија 17 Мај, 2017
ВВ Тиквеш АД Скопје го зголеми присуството на домашниот пазар и повторно успеа да оствари позитивен прв квартал од годината со вкупна оданочена добивка од 15.785.000 денари, што е за 3 милиони денари подобар резултат во однос на истиот период лани. ВВ Тиквеш АД Скопје единствено стагнира на странскиот пазар каде има за нијанса помала продажба од лани која сега изнесува 93,9 милиони денари.
- Бруто добивката за првото тромесечие од 2017 година достигна 105,7 мил. денари, што е на релативно исто ниво како и во 2016 година. Остварената бруто добивка е резултат на зголемените вкупни приходи од продажба кои забележаа раст од 17,3 мил. денари односно зголемување за 7%, посочуваат од ВВ Тиквеш преку образложението објавено на Македонска берза.
Истовремено трошоците за продадени производи и услуги, маркетинг, административни трошоци, за суровини и други материјали, за вработени и услугите со карактер на материјални трошоци се во благ пораст.
Клучната разлика ВВ Тиквеш покрај зголемената продажба ја прави кај намалувањето на финансиските расходи и тоа најмногу во делот на расходи по основ на камати, курсни разлики и слични расходи кои во К1 2017 изнесуваат 11,9 милиони денари или за околу 3 милиони денари помалку во однос на истиот квартал лани.
- Оперативната добивка е зголемена за 10%, односно за 2,8 мил. денари, како ефект на оптимизирањето на оперативните приходи и расходи соодветно на продажбата. Како резултат на зголемената оперативна добивка и пониските финансиски расходи остварена е добивка од редовно работење од 20 мил. денари, што претставува зголемување за 5,8 мил. денари, велат од ВВ Тиквеш.
Можеби ќе ве интересира
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
„Тиквеш“ ги претстави своите модерни практики пред учесниците на регионалната Винска летна школа
