Младо момче е убиено на Матка
Објавено во: Македонија 15 Април, 2017
Момче на возраст од 17 години е убиено на Матка при тепачка која настана по расправија меѓу повеќе момчиња.
Момчето е избодено со нож. Од МВР го потврдија настанот кој се случил попладнево околу 15 часот. Во тепачка меѓу две момчиња родени во 1998 и 2000 година, починало 17 годишното момче. Според информации на ТВ 21, станува збор за момче од Сарај. Полицијата е на терен и ги утврдува причините за убиството. Засега нема информации кои се причините и мотивот за расправијата која потоа прераснала во тепачка со фатални последици.