Мистериозни купувачи: Војната со цени, да се замени со војна со насмевки!
Објавено во: Мои пари 30 Октомври, 2012
Најуслужни се вработените во автосалоните и во банките. Сосема спротивно, најнеуслужни се вработените во продавниците за техничка опрема и телекомуникациите. Ова е констатација на агенцијата „Свот рисрч“ во истражувањето на квалитетот на услугата и напродажните вештини на вработените во 6 дејности. Ова истражување се прави секоја година преку таканаречените мистериозни купувачи.
Генералниот директор на „Свот рисрч“ Марко Радоњиќ, вели дека најголемиот дел од подобрувањата што можат да се забележат кајпродавачите на автомобили, се должи на добрата обука што вработените ја добиваат од нивните матични компании. Според него најважна е психологијата, односна пристапот до клиентот.
„Вработените во автосалоните добиваат добра обука за купувачката психологија, и начинот на кој се однесуваат со клиентитев, но имаат и знаење за карактеристиките на производот што го нудат. Како недостаток што го откривме е што 45 отсто од автомобилските компании не нудат тест-возење“, вели Радоњиќ.
Според истражувањето авто-салоните котираат со највисоки резултати во квалитетот на услугата и продажните вештини на вработените со над 80 проценти од исполнетост на стандардите, телекомуникациските оператори се на второ место, а банките на трето место. Ниту една од испитуваните дејности не забележува највисоко или најниско рангирање. Продавниците за техничка опрема се со најниски вкупни резултати.
Тајните купувачи на агенцијата, биле во обиколка на продажните објекти 339 пати. Освен во автосалоните тие биле присутни и во банки, телекомуникациски оператори, супермаркети, продавници за техничка опрема и бензински пумпи.
Радоњиќ на презентацијата на резултатите од истражувањето истакна дека еден од клучните недостатоци на вработените е не нудењето дополнителни производи. Во Македонија само во осум проценти од испитаните случаи биле понудени дополнителни производи, а просекот во ЕУ е 56 проценти.
Истражувањето, дури покажува дека вработените во маркетите и во бензиските пумпи сè уште не ги поздравуваат купувачите во почетокот и на крајот од разговорот. На вработените во телекомуникациските оператори им се забележува што граѓаните чекаат повеќе од 10 минути за да ја добијат услугата што ја побарале.
Бидејќи квалитетот на услугите во супермаркетите и во продавниците за техничка опрема се сè уште ниски, Радоњиќ смета дека војната со цени што сега се случува, ќе биде заменета со насмевка и со поздрав.
- Во битката за цени почнуваат да размислуваат и за други методи кои можат да влијаат на продажбата. Во следниот период се повеќе ќе расте свеста кај компаниите дека токму услугата што ќе се понуди на купувачите е важна, односно борбата ќе се премести од ценовна во услужна, изјави Радоњиќ.
Истражувањето на „Свот рисрч“ беше спроведено во периодот од 9 септември до 17 октомври годинава. Користен е методот на посети во продажните објекти од страна на тајни купувачи кои се обични граѓани на различни возрасти обучени според светски стандарди.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
Македонски Телеком со најголеми просечни брзини и најдобри резултати за вкупните перформанси на мрежата
