Милошоски утре ќе ја носи „бомбата“ кај Русковска

Добивај вести на Viber

Пратеникот Антонио Милошоски од ВМРО-ДПМНЕ, утре ќе оди кај обвинителката Вилма Русковска за да и ја покаже аудио бомбта која неодамна ја пушташе од собраниската говорница, а која, како што вели тој, упатува на сомнеж за нелегално финансирање на Меѓународниот сојуз од страна на СДСМ и лидерот Зоран Заев. 

Овој материјал, како што тврди пратеникот, тој го добил од свиркач.

„Почитувани, утре во 9 часот, на моја иницијатива, во обвинителството за борба против организиран криминал и корупција, ќе остварам средба со г-ѓа Вилма Русковска.

Целта на закажаната средба е на обвинителката да и го предадам аудио материјалот доставен од укажувач, а на кој се препознава гласот на поранешниот премиер Зоран Заев. Во прилог на овој материјал ќе го доставам и транскриптот од чија содржина произлегува сомнеж за тоа дека господинот Зоран Заев бил во тек со нелегалното финансирање на "Меѓународниот сојуз" на Бојан Јовановски преку рекетирање на стопанственици, како и дека тој лично од позицијата премиер го помагал финансирањето на телевизијата 1ТВ.
Се надевам дека овој материјал ќе му биде од корист на обвинителството во покренатото обвинение за овој предмет“, пишува Милошоски на својот фејсбук профил.

Тој го објави и дописот што го добил од укажувачот.

После завршувањето на средбата, најавува изјава за медиумите пред зградата на бвинителството.