Милијардер од Германија спаси цел град од банкрот
Објавено во: Стил 19 Јули, 2013
На денот кога во Детроит беше прогласен банкрот, од другата страна на океанот, во Германија, милијардер влезе во улогата на добрата самовила, плаќајќи го долгот на целиот град.
Тој ја презел сумата од 2,1 милиони евра на општина Гребенхајм, со што таа сега нема долгови.
„Прво бев изненаден, а потоа се израдував", изјави за AFP, Манфред Дикерт, градоначалник на општина Гребенхајм, откако слушна за добрата вест.
Марио Луц Хелминг, хирург кој долго работел во овој град со помалку од 5.000 жители, е човекот кој го спаси градот. Тој сепак не сакал да ги објасни мотивите за великодушноста пред новинарите.
„Парите се уште не се кај нас, но ќе бидат примени во следните денови", објасни Дикерт.
Тој најави дека ќе се повлече од градоначалничката функција по 30 години служба. Донацијата ќе му помогне да ја остави зад себе општината без ниту едно евро долг.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
