Мицкоски: Власта води политика на кратко памтење
Објавено во: Македонија 22 Мај, 2019
Лидерот на ВМРО-ДПМНЕ, Христијан Мицкоски синоќа во посета на ОК на ВМРО-ДПМНЕ Центар, потенцираше дека оваа општина и граѓаните заслужува подобро и повеќе.
Вели дека најнезадоволни се центарци поради тоа што оваа општина е со најзагаден воздух во државата, а пред изборите власта ветуваше алпски чист воздух.
„Анкетите по изборите покажуваат дека огромното мнозинство се незадоволни поради слабиот животен стандард, недостигот на нови вработувања, слабата економија. Незадоволни се и поради слабата заштита на животната средина, уништеното Водно, гасификацијата која е заглавена од власта, која тапка во место цели 2 години“, вели тој.
Незaдоволство посочи Мицкоски има и поради порастот на корупцијата, непотизмот и корумпираното судство.
Тој истакна власта води политика на кратко памтење, а центарци како и сите граѓани на Република Македонија се излажани од страна на власта, посочувајќи го ветувањето за поевтинување на сметките за парното, ветување кое се покажа како уште лага на власта.
За крај Мицкоски вели дека власта е прочитана, а народот е свесен со какви измамници си има работа.