Мицкoски oд Ташмаруништа се извини за грешките кои ВМРО-ДПМНЕ ги направило
Објавено во: Македонија 02 Август, 2020
Лидерот на ВМРО-ДПМНЕ, Христијан Мицкоски, од струшкото село Ташмаруништа на граѓаните им го честита Илинден.
Мицкоски се извини за грешките на ВМРО-ДПМНЕ од минатото и додаде дека во Македонија мора да има правда, а тој нема да се откаже од таа цел.
„Денес оние кои се товар во ВМРО душмански жестоко се обраќаат кон ВМРО. Целосно свесен за нивните постапки од минатото, и целосно свесен дека токму овие жестоки по-јаничарени јуришници на власта беа и товар на партијата, сакам јасно и недвосмилено да истакнам дека јас како претседател на ВМРО-ДПМНЕ му се извинувам на народот за сите грешки и неправди кои овие луѓе ги имаат направено. Тие во ВМРО гледаат личен интерес, а јас во ВМРО-ДПМНЕ гледам кауза. Јас повеќе не сакам да ги коментирам, верувам во народот и верувам дека народот сосема јасно разбира за што овде се работи и кој за што се бори, кој ја сака и кој работи за Македонија. Ако оваа темнина е тунелот кој го создаде оваа власт, и во кој сака свесно да опстојуваме, јас ќе ви кажам дека има светло на крај од тунелот. А, за тоа светло вреди и треба да се бориме“, рече Мицкоски.
Ги обвини оние кои бараат оставка од него деновиве.