Мицкоски: Актуелното раководство на СДСМ е многу поблиско со Мијалков отколку Наќе Чулев
Објавено во: Македонија 16 Јануари, 2020
Христијан Мицкоски, претседателот на ВМРО-ДПМНЕ, гостувајќи во „Економски Магазин“ на Алсат ТВ, запрашан дали е точно тоа дека актуелниот технички министер за внатрешни работи Наќе Чулев е близок со Сашо Мијалков, одговори дека актуелното раководство на СДСМ е многу поблиско со поранешниот директор на УБК.
- Голем дел од актуелното раководство на СДСМ е многу поблиско со актуелниот господин кој го споменавте откоку било кој член од раковоството на ВМРО-ДПМНЕ. Таа шпекулација е дел од оној лош пи-ар фолклор кој го рефлектира СДСМ во последно време - одговори лидерот на најголемата опозициска партија која го предложи Чулев да биде дел од техничката Влада до изборите на пролет.
Запрашан за тоа како го оценува функционирањето на техничката Влада и внатрешната нетрпеливост помеѓу раководителите од власта и опозицијата, Мицкоски рече дека тоа го иницирал СДСМ со систематизација на стотии работни места на четири дена пред примопредавање на кабинетот во МВР.
- Не знам зошто имало потреба да се распределуваат тие луѓе кои се професионалци и местото им било таму, а не на друго место. Тоа се луѓе неподобни за СДСМ кои сведочат за неправдите кај новиот министер