Мета-Ахмети: Стабилноста на Македонија е многу значајна за Албанија
Објавено во: Балкан 15 Декември, 2016
Претседателот на албанскиот Парламент и лидер на Движењето за социјалистика интеграција, Илир Мета по средбата со претседателот на ДУИ, Али Ахмети изјавил дека стабилноста на Македонија е многу значајна за Албанија.
„Можам да кажам дека единствената поддршка што можеме да ја дадеме е за еден стабилизирачки, демократски и европски процес. Треба да ја зголемите соработката на албанскиот фактор во рамки на една европска Македонија“-вели Мета.
Ахмети, кој попладнево замина во Тирана, ќе има средби и со премиерот Еди Рама и со шефот на државата, Бујар Нишани.
Деновиве неизвесно беше дали Ахмети ќе замине во Албанија.
Претходните денови и други лидери на албански политички партии од Македонија се сретнаа со Рама. Средбите беа одржани на покана на Рама.
Со нив Рама разговараше за најновите случувања во земјава.
Oбединетата македонска дијаспора (ОМД) го оценува повикот на премиерот на Албанија, Еди Рама кон лидерите на македонско-албанските политички партии во Тирана на состаноци, како мешање во внатрешните работи на Македонија.