МЕСИ: Моравме да победиме, ништо друго не доаѓаше предвид
Објавено во: Спорт 27 Ноември, 2022
Во второто коло од групата Г на Светското првенство, Аргентина победи со 2:0 со головите на Лео Меси и Енцо Фернандез. Вака се спаси Аргентина бидејќи по дебаклот против Саудијците во првото коло и се закануваше елиминација од турнирот. Тимот на Лионел Скалони сега скокна на второто место во групата и во среда ќе има шанса да избие на врвот против Полска.
Мајсторскиот гол на Меси од дваесетина метри отвори многу груба игра и ја спаси Аргентина, а еве што изјави аргентинскиот капитен по натпреварот: „Ни требаше овој резултат. Ни требаше оваа еуфорија. Беше тежок натпревар. Мексико е добар тим со добар тренер, знаат да играат со топката.
Во првото полувреме одигравме како што треба, со многу интензитет. Второто полувреме беше помирно и почнавме подобро да ја циркулираме топката. По голот повторно личевме на себе. Натпреварот заврши како што беше. Моравме да победиме, ништо друго освен победа не доаѓаше во предвид. "
„Немам проблем со глуждот“
Тој се осврна и на неуспехот против Саудијците и гласините за проблемот со глуждот: „Првиот натпревар не чинеше многу. Денеска знаевме дека мораме да победиме, дека треба да го спасиме нашето Светско првенство. Успеавме. Јас не знам зошто луѓето зборуваа за мојот глужд, немам здравствени проблеми.
Почувствував нешто на последниот натпревар, но потоа тренирав нормално. Сега не можеме да се опуштиме. Секој натпревар за нас е финале, не можеме да грешиме. Навивачите знаеја дека вака ќе одговориме на киксот. Кога сме сите заедно, можеме да постигнеме многу“.
