МЕРКЕЛ РАБОТИ ОД ДОМА: Таа направи тест за коронавирус
Објавено во: Свет, Корона Вирус 23 Март, 2020
Првиот тест на германската канцеларка, Ангела Меркел е негативен на коронавирус.
Нејзиниот портпарол Штефен Сијберт вели дека таа е добро и останува во самонаметнатиот карантин чекајќи понатамошно тестирање. Меркел реши да се самоизолира откако вчера дознала дека лекарот што ја вакцинирал минатиот петок е заразен.
„Резултатот од денешниот тест е негативен“, изјави нејзиниот портпарол за новинската агенција ДПА.
Тој вели дека во наредните денови ќе има и понатамошни тестови, бидејќи првичниот тест во толку рана фаза можеби не е конечен. Меркел до тогаш останува да работи од дома.
„Ангела Меркел е здрава, но работи од дома“, изјави денеска вицеканцеларот Олаф Шолц.
И Германија има раст на бројот на заразени.