Медиумите од регионот: Моќниот Бундестаг и даде зелено светло на Македонија за старт на преговорите
Објавено во: Македонија 27 Септември, 2019
Германскиот Бундестаг изгасал поддршка и дал зелено светло дека Северна Македонија и Албанија може да ги почнат преговорите за членство во Европската унија, пишуваат и медиумите од регионот.
Тие образложуваат како се гласало и дополнуваат дека за предлогот позитивно гласале 476 пратеници, додека против биле 122 а воздржани биле само 16.
Комесарот во заминување и проширување и соседска политика во ЕУ Јоханес Хан ја поздравил оваа одлука на германскиот Будестаг.
Се наведува дека тоа се смета за важен сигнал на една од најважните и највлијателни членки на Европската унија, не само за Македонија и Албанија, туку и за Западен Балкан.
Медиумите пишуваат и за напишаното од премиерот Заев на Твитер дека одлуката на геранскиот Бундестаг е голем поттик и дека таа земја ќе продолжи да работи уште посилно и дека Заев им се заблагодарил на членовите на германскиот Бундестаг и тимот на Ангела Меркел.
Меѓудругото дополнуваат и дека премиерот на Албанија Еди Рама и се заблагодарил на германската канцеларка и членови на Бундестагот, кој оценил на Твитер дека нивната одлука е добра вест.
ЕУ конечна одлука за одредување на датум за почеток на пристапни преговори за Македонија и Албанија би требало да донесе во октомври.