И ЗНАМ ИМА УСЛОВИ: Максим објасни што бара од партиите за можна коалиција

Добивај вести на Viber

Претседателот на ЗНАМ, Максим Димитриевски бара целото раководство на СДСМ да поднесе оставки. Toj упати порака до членовите на партијата. 

„Срцето ме боли кога ве гледам вака исплашени од раководството на мојата поранешна политичка партија како ве држи во заложништво и како сте гневни на сите нив, а молчите. Гневен сум и јас. Сметам дека е етички исправно да направам обид заедно да ги спасиме асномските и крушевските леви вредности и принципи“, вели лидерот на ЗНАМ.

Изминатите денови кажа дека слушал различни пораки од двата табора. 

„Едните велат дека Движењето ЗНАМ било создадено по нарачка на ВМРО-ДПМНЕ, за да го ослаби СДСМ. Наводно, дека гласот даден за ЗНАМ е глас даден за ВМРО-ДПМНЕ. Другиот табор вели дека коалицијата меѓу ВМРО-ДПМНЕ и ЗНАМ е веќе договорена работа и дека очекуваат став од ЗНАМ во врска во вториот круг на претседателските избори“, кажа Димитриевски. 

Вели дека официјален став на ЗНАМ е дека врвен државен приоритет на овие избори е да се избере претседател на Македонија, со цел да се оневозможи институционална блокада и политичка криза во земјата. Ги повика граѓаните на 8-ми мај да гласаат. 

Димитриевски упати порака и до ВМРО-ДПМНЕ дека се согласува со нивните програмски определби дека не прифаќаат уставни измени под бугарски диктат и не прифаќаат соработка со ДУИ.

„Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев преку неговите фикс кандидати за пратеници, како што е Венко Филипче и други за обезбедување на двотретинско мнозинство во новиот собраниски услов, со што се имплицира дека селективна правда ќе има во наредната влада“, рече Димитриевски.

Според него, тоа се условите на ЗНАМ за почеток на разговорите за евентуална соработка со едните и другите.

Димитриевски рече дека згрешил со неговата поддршка која му ја дал на актуелниот претседател Стево Пендаровски.

Јован Деспотовски од СДСМ во емисијата „Daily Click“ на ТВ21 истакна дека гласовите за кандидатот за претседател Максим Димитревски биле од разочарани членови на СДСМ.